قصيدة ادمعت عيني حين قرأتها ...
أم تنعى ولدها ... !!!
[ندعوك للتسجيل في المنتدى أو التعريف بنفسك لمعاينة هذه الصورة]
(رايح عالنتيجه وارجع ابساع) مو هذا كلامك يمه ليه؟
ليش اتعطلت يمه العصر فات وبدت تعصر بروحي المغربيه
هلاهل ترسن بصدري وبيدي جكليت وكبل اسبوع مشتريه الهديه!
اتاني او خبر عاجل طكني بالكاع انفجار بجامعه المستنصريه
ولـك يمه وصلتك ازحـف ازحوف لأن رجليه ماتن كبل ايديه
لكيت كتابك وماشفتك وياه عفته شلون مو رحتو سويه
وجثه تصيحلي مـن بين الرماد كلت مو هيه!!وانه ادري هيه
حاجيني دخيلك ياضوه العين الشضية صابتك ,مو بيك بيه
انا اشتاكيت ابوس اجفوفك اليوم ابكد مابوست انت بديه
ياجـف القدر المن انمديت ليش اتناوشـت نجـم الثريه!
ابني الي بجت لمصابه الحمامات واغتـاظ الكـمر وانخسف ضيه
ابني ابن العراق وامه بغداد ياهو الكتب مجهول الهوية
أدري بالقصيدة تأذي وهواي وألمتكم حيل بس حبيت أنشرها لان كم أم عراقية عانت هالمعاناة .... شكد وشكد وشكد ؟؟؟؟؟؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]